اولاً: احب ان اعتذر لكل من ينتظر منى مواضعى فى هذه المدونه على تأخرى الفتره الماضيه ولكنى انشغلت كثيراً بالامتحانات ثم من بعدها بشغلى الخاص على المدونه الاخرى http://khaledelmaghwry.blogspot.com
بصراحه مفيش ثانياً ههههههههه , بس كنت حابب اتكلم النهارده عن يوم غير عادى يوم انتظرته طويلاً مش عارف ليه ؟!! بس انتظرته
الا وهو الفصل الدراسى الثانى
بصراحه كنت سعيد جداً من اول ما ركبت باص الجامعه وكنت سعيد أكتر وانا بسلم على اصحابى وبشوفهم تانى, بصراحه هما وحشونى جداً بس مش عارف هل انا كمان وحشتهم ولا لأ ؟
خلينا نرجع لموضوعنا الفصل الدراسى الجديد
كان يوم من اوله جميل جداً ومرح حسيت فيه بإحساس ملىء بالثقه والشجاعه
وحسيت بروحى لما دخلت ابواب الجامعه حاسس ان فى المكان ده مستقبلى حياتى كلها هتطلع من المكان ده ، وكان سؤالى لنفسى ؟؟
هل هتقدر تحقق اللى انتى عايزه فى المكان ده ؟ وازاى هتحققه
بصراحه كان الرد التلقائى من نفسى او مكنش رد كان شعور
ان
الفصل الدراسى الجديد هو طريق لم يرتسم بعد ولم توضع فيه اى لبنة من الطوب او نقطة حبر فى صفحه بيضاء يعنى لسه فاضى ….غلطنا غلطات كبيره فى الفصل الدراسى القديم ولم نصنع ما كنا نريده فهل ينتهى بنا المطاف الى هنا ؟؟؟
لا أعتقد ذلك ، وهذه كانت اجابة سؤالى لنفسى ولكن كل ما يهمنى الان وبعد ذلك هم اصدقائى
احبابى هم كل ما لدى
هم نور عينى التى ارى بها فى هذه الجامعه التى لولاهم ما كنت لأكون سعيداً حتى كتابتى هذه السطور
لا ادرى متى ساقابلكم المره القادمه لكن ادعو الله ان تظل الشمس مشرقه لطريقنا حتى نرى الغد ولا نرى الامس ؟
حتى نرى احلامنا تعلو على اوهامنا
واتمنى من الله عز وجل ان يكون فصل دراسى ملىء بالفرح والسعاده والااااااماااااال
أخوكم/خالد المغاورى
